Huawei Pocket Wi-Fi 設定竅門

一向有用流動寬頻 USB 手指,連接手提電腦周街上網,不過手指只可供單一裝置使用,我出街玩 PSP 大眾哥爾夫2時,就唔可以上網同人對戰,幸好 Huawei 近日送來了Pocket Wi-Fi,只要插入 SIM 卡,就可以供最多5部有Wi-Fi的裝置同時上網。數碼王子首次使用呢類產品,設定時原來有竅門,就跟大家分享一下。



E583C 只有90克,體積比我部 HTC Hero 更細,袋出街十分輕便,而且提供HSDPA 7.2Mbps及HSUPA 5.76Mbps之連線速度,兼可透過802.11b/g將HSPA連線分享。它利用 micro USB 充電,1,400mAh可換式充電鋰電池可連續使用4小時及備用100小時之久。將之「餵飽」後,隨即插入 SIM 卡,按 Power 掣即可。之後就到電腦方面做設定,於 Windows 7 桌面右下角會見到無線網絡設定,就可見到 E583C-72ae,即  Huawei Pocket Wi-Fi,將之連接時,電腦會問金鑰,此編碼原來早就印在機內,打開電池蓋後就見到。


到此地步,電腦跟 Huawei Pocket Wi-Fi 已經接上,可是我開瀏覽器卻未能上網,原來忘記了最重要的步驟,就係要進入頁面設定網絡商 (APN),於 Browser 輸入 192.168.1.1,就會進入頁面,再輸入預設密碼 Admin 即可,於 Setting 一欄跟住 Quick Setup 做,即可設定 APN,大家可見我是 PCCW 粉絲吧! Set 好 Logout ,以後袋住Huawei Pocket Wi-Fi就可隨街、隨車、甚至隨廁上網。

相信以後我都唔會再用寬頻手指上網,因它插在我部 Tablet PC 突出來,實不雅觀,相反 Pocket Wi-Fi 可無線連接,又可以分享寬頻,一舉兩得,方便之外,速度亦令人滿意,感覺跟我用家中 Router 的 Wi-Fi 無異!


查詢:Synergy 3590 8589
售價:$1,380

21 則留言

這個網誌中的熱門文章

Windows 10 重現顯示桌面按鈕